İDMAN


Yaponiya Qran-Prisinin birinci məşqində Qaslinin Yamamoto ilə əvəzlənməsi təsdiq edilib

Bakı, 7 oktyabr, AZƏRTAC 

“Toro Rosso”dan bildiriblər ki, “Honda”nın dəstəyi ilə “Super Formula”da və “Super GT”də çıxış edən yapon pilot Naoki Yamamoto Yaponiya Qran-Prisinin birinci məşqində sükan arxasında Pyer Qaslini əvəz edəcək. İkinci məşqdə sükanı yenə də Qasli idarə edəcək.

AZƏRTAC xəbər verir ki, “Toro Rosso”nun mətbuat xidməti komandanın rəhbəri Frans Tostun bu sözlərini sitat gətirib: “Biz əminik ki, Naoki birinci məşqdə dünyanın ən yaxşı traslarından birində hərəkət etməkdən zövq alacaq. O, istedadlı pilotdur, hazırda Yaponiyanın əsas yürüş seriyalarının çempionudur. Naoki Sudzuka trası ilə yaxşı tanışdır”.

Mövsümün bitməsinə beş mərhələ qalmış “Toro Rosso” 55 xalla Konstruktorlar Kubokunda altıncı yeri tutur.

“Toro Rosso”nun heyətində çıxış edən rusiyalı pilot Daniil Kvyatın aktivində 33 xal var və o, şəxsi hesabda 12-ci yerdədir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.