DÜNYA


Yaponiya hökuməti “Fukusima-1” AES-in  sökülməsinin əsas mərhələsini təxirə salıb

Tokio, 26 sentyabr, AZƏRTAC

Yaponiya hökuməti “Fukusima-1” Atom Elektrik Stansiyasının (AES) sökülməsinin əsas mərhələsini üç il müddətinə təxirə salıb.

AZƏRTAC NHK telekanalına istinadla xəbər verir ki, bu barədə qərar hökumətin sentyabrın 26-da keçirilən iclasında qəbul edilib. Sökülmə barədə qərar son iki ildə ilk dəfə olaraq rəsmi surətdə təsdiqini tapıb.

Yeni plana əsasən, AES-in 1 və 2 nömrəli reaktorlarındakı hovuzlarda saxlanılan istifadə edilmiş nüvə yanacağı millərinin çıxarılmasına əvvəlcə nəzərdə tutulduğundan üç il sonra, yəni 2023-cü ildə başlanacaq. Üç nömrəli reaktorun hovuzundakı millərin çıxarılmasına isə plana əsasən 2018-ci maliyyə ilinin ortalarında start veriləcək.

Yeni planda AES-in tam sökülməsinin 2041-2051-ci illər arasında, yəni qəzadan 30-40 il sonra yekunlaşması ümumi vəzifə kimi irəli sürülüb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.