DÜNYA


Yaponiya hökuməti peyvənd alınması üçün əlavə 4,7 milyard dollar vəsait ayırıb

Tokio, 16 may, AZƏRTAC

Yaponiya hökuməti koronavirusa qarşı peyvəndin alınması üçün ehtiyat fonddan əlavə 510 milyard yen (təqribən 4,7 milyard dollar) vəsaitin ayrılması barədə qərar qəbul edib.

AZƏRTAC Yaponiya KİV-lərinə istinadla xəbər verir ki, bu barədə qərar hökumət tərəfindən cümə günü qəbul edilib. Bildirilir ki, Nazirlər Kabineti 2021-ci il ərzində koronavirusa qarşı əcnəbi farmasevrik şirkətlərdən peyvəndin alınmasına ümumilikdə 5 trilyon yen və ya 46 milyard dollar vəsait ayırıb.

Qeyd edilir ki, Yaponiya hökuməti ABŞ-ın “Pfizer” şirkətindən əlavə peyvənd dozalarını sentyabrda tədarük etməyi planlaşdırır. Bununla yanaşı, ABŞ-ın “Moderna” və “Novavax” şirkətləri ilə gələn il üçün peyvənd tədarükü barədə danışıqlar aparılır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.