DÜNYA


Yaponiya hökuməti ürək xəstəliklərinin iPS hüceyrələr vasitəsilə müalicəsini bəyənib

Tokio, 17 may, AZƏRTAC

Yaponiya hökuməti yanında şura dünyada ilk dəfə olaraq, kardioloji xəstəliklər zamanı induksiya olunmuş pluripotent gövdə hüceyrələri (iPS-hüceyrələr) vasitəsilə müalicəni bəyənib.

AZƏRTAC NHK telekanalına istinadla xəbər verir ki, Osaka Universitetinin professoru Yoşiki Savanın rəhbərlik etdiyi qrup ürək əzələlərinin hüceyrə toxumalarını yaratmaq üçün insan orqanizminin müxtəlif toxumalarına çevrilə bilən iPS-hüceyrələrdən istifadə ediblər .

Qrup üzvləri həmin toxumaları ürək-damar xəstəliklərindən ciddi əziyyət çəkən xəstələrin ürəyinə yerləşdirməyi planlaşdırırlar.

Səhiyyə Nazirliyi yanında Şura bu layihəni həddindən artıq ağır vəziyyətdə olan xəsətələrə tətbiq etməyə razılıq verib. Lakin bu zaman müalicənin aparılması barədə sənəd xəstənin tamamilə anlaya biləcəyi formada tərtib edilməlidir.

Qrup üzvləri klinik tədqiqatlara prosedurun təhlükəsiz olduğunu tam dəqiqləşdirdikdən sonra, gələn ilin martında başlamağı planlaşdırırlar.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.