DÜNYA


Yaponiya koronavirus pandemiyasına baxmayaraq, ABŞ ilə birlikdə RIMPAC təlimlərində iştirak edəcək

Tokio, 22 may, AZƏRTAC

Yaponiya hərbi-dəniz qüvvələri koronavirus pandemiyasına baxmayaraq, avqustda ABŞ ilə birlikdə Havay adaları sahillərində keçiriləcək RIMPAC təlimlərində iştirak edəcək.

AZƏRTAC xəbər verir ki, bu barədə mayın 22-də jurnalistlərə açıqlama verən Yaponiyanın Müdafiə naziri Taro Kono bildirib: “Biz Yaponiya Hərbi-Dəniz Qüvvələrinin RIMPAC təlimlərində iştirakını gözləyirik. Koronavirusa yoluxma təhlükəsi ilə əlaqədar insanlar arasında təmasa yol vermək olmaz. Lakin hesab edirəm ki, hərbi gəmilərin təlimləri bu risklə əlaqədar deyil”.

ABŞ Hərbi-Dəniz Qüvvələrinin məlumatına görə, təlimlər avqustun 17-dən 31-dək təşkil olunacaq. Sakit okean akvatoriyasında 1971-ci ildən etibarən hər iki ildən bir keçirilən təlimlərdə Yaponiya ilə yanaşı, ABŞ, Kanada, Koreya Respublikası və Avstraliya hərbçiləri də iştirak edirlər. Yaponiya bu təlimlərə 1980-ci ildən qatılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.