DÜNYA


Yaponiya orta və böyük mənzilli qanadlı raketlər istehsal edəcək

Tokio, 20 mart, AZƏRTAC 

Yaponiya uzaq cənub-qərb adalarının müdafiəsi üçün orta və böyük mənzilli qanadlı raketlər istehsal etməyi planlaşdırır.

AZƏRTAC xəbər verir ki, bu barədə Yaponiyanın müdafiə naziri Takeşi İvaya Tokioda keçirilən mətbuat konfransı zamanı məlumat verib.

T.İvaya qeyd edib ki, bir sıra xarici ölkələrin hərbi gəmiləri uzaq məsafəli hava hücumundan müdafiə sistemləri ilə təchiz edilib. Belə olan halda, ölkənin özünümüdafiə qüvvələrinin təhlükəsizliyini təmin etmək üçün yapon gəmilərinin də belə raketlərlə təchizatına ehtiyac var.

Nazir, həmçinin qeyd edib ki, qanadlı raketlərin hazırlanmasına artıq başlanıb.

Yaponiya Müdafiə Nazirliyinin rəhbəri onu da əlavə edib ki, bu raketlər 2030-cu ildən istifadəyə qəbul ediləcək yeni model “F-2” qırıcı təyyarələri üçün nəzərdə tutulur.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.