DÜNYA


Yaponiya sahillərində sürətli sərnişin bərəsi balina ilə toqquşub

Tokio, 6 fevral, AZƏRTAC

Yaponiya sahillərində balina ilə toqquşan sürətli sərnişin bərəsi idarəni itirib. Kyodo agentliyinin məlumatına əsasən, sahil mühafizəsinin gəmiləri yardım üçün artıq yola düşüblər.

Əldə olan məlumatlara əsasən, bərə Atami (Şizuoka prefekturası) limanından İcuoşima adasına gedirmiş. Bərənin göyərtəsində 69 sərnişin və beş heyət üzvü var. Qəza zamanı heç kim xəsarət almasa da, sonradan yeddi nəfərin özünü pis hiss etdiyi bildirilib.

Toqquşma nəticəsində bərədə açılan deşikdən su daxil olsa da, gəminin batma təhlükəsi yoxdur. Bununla yanaşı, bərə müstəqil hərəkət etmək qabiliyyətini itirib və hazırda sahil mühafizəsi gəmilərinin köməyini gözləyir.

Bu, son ay Yaponiya sahillərində nəhəng məməlilərlə baş verən ilk hadisə deyil. Belə ki, yanvarın 8-də baş vermiş oxşar hadisə nəticəsində doqquz nəfər xəsarət almışdı.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.