DÜNYA


Yaponiya və ABŞ Şimali Koreyanın raket sınaqları ilə bağlı mövqelərini əlaqələndirəcək

Tokio, 10 may, AZƏRTAC

Yaponiya və ABŞ Koreya Xalq Demokratik Respublikasının (KXDR) raket sınaqlarını bərpa etməsi ilə bağlı mövqelərini daha sıx əlaqələndirmək niyyətindədir.

AZƏRTAC Kyodo agentliyinə istinadla xəbər verir ki, bu barədə ABŞ-da səfərdə olan Yaponiya Nazirlər Kabinetinin baş katibi Yoşihide Suqa dövlət katibi Maykl Pompeo ilə görüşdən sonra bildirib.

Y.Suqanın sözlərini sitat gətirən agentlik yazır: “Biz bu buraxılışlarla bağlı informasiyaları birlikdə təhlil etmək barədə razılığa gəldik. Bununla bağlı biz müxtəlif səviyyələrdə sıx əməkdaşlıq edəcəyik”.

Eyni zamanda, baş katib təsdiq edib ki, Tokio Yaponiya və KXDR liderlərinin heç bir ilkin şərt irəli sürmədən görüşünün keçirilməsinə çalışır.

Bundan əvvəl Y.Suqanın Vaşinqtonda ABŞ-ın müdafiə nazirinin səlahiyyətlərini müvəqqəti icra edən Patrik Şanahan ilə KXDR-in son raket sınaqlarını müzakirə etdiyi də bildirilir.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.