DÜNYA


Yaponiya və Rusiya liderlərinin sammitində konkret irəliləyiş əldə edilməyib

Tokio, 23 yanvar, AZƏRTAC 

Yaponiya və Rusiya liderləri Rusiyanın nəzarəti altında olan, lakin Yaponiyanın da iddia etdiyi dörd adanın taleyini həll etməli olan sülh müqaviləsinin imzalanması məqsədilə danışıqları sürətləndirmək barədə razılığa gəliblər.

AZƏRTAC NHK telekanalına istinadla xəbər verir ki, buna baxmayaraq, liderlərin yanvarın 22-də Moskvada keçirilən son sammiti iki ölkənin məsələ ilə əlaqədar mövqelərindəki mövcud fərqlərə görə, konkret irəliləyiş əldə edilmədən başa çatıb.

Yaponiyanın Baş naziri Şinzo Abe və Rusiya Prezidenti Vladimir Putin xarici işlər nazirlərinin və xüsusi nümayəndələrin danışıqları fevralda Almaniyada keçiriləcək beynəlxalq konfrans çərçivəsində davam etdirmələri barədə razılıq əldə ediblər.

İki ölkənin liderləri adaların keçmiş sakinlərinin qohumlarının məzarlarını ziyarət etmək üçün gələn yay oraya təyyarə vasitəsilə səfər edəcəklərini də təsdiq ediblər. Adaların sabiq sakinləri artıq iki dəfə bu səfərdə olublar.

Sammit başa çatdıqdan sonra keçirilən mətbuat konfransında Ş.Abe müharibə başa çatdıqdan sonra artıq 70 ildir ki, həll edilməmiş qalan məsələnin mürəkkəbliyini qeyd edib.

V.Putin isə vurğulayıb ki, bu uzunmüddətli və gərgin iş böyük səbir tələb edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.