DÜNYA


Yaponiya yaxın vaxtlarda İrandan neft idxalını bərpa edəcək

Tehran, 13 iyun, AZƏRTAC

İran müharibə etmək istəmir. Lakin ABŞ İrana qarşı hərbi əməliyyat aparmaq qərarına gəlsə İran tutarlı cavab verəcək.

AZƏRTAC xəbər verir ki, bu sözləri İran Prezidenti Həsən Ruhani Yaponiyanın Baş Naziri Sindzo Abe ilə görüşdən sonra keçirilən birgə mətbuat konfransında deyib.

Prezident bildirib ki, Yaponiya Baş Nazirinin İrana səfəri hər iki ölkə üçün əhəmiyyətlidir. Yaponiya yaxın vaxtlarda İrandan neft idxalını bərpa edəcək.

Yaponiyanın Baş Naziri isə bəyan edib ki, hər iki dövlət nüvə silahının əleyhinədir. Yaponiya bu regionda sabitliyin davamlı xarakter daşımasında maraqlıdır.

Beynəlxalq mətbuat iddia edir ki, Yaponiyanın Baş Naziri Tehran ilə Vaşinqton arasında dialoqun başlaması üçün diplomatık səylər göstərməyə çalışır. İran mətbuatı isə qeyd edir ki, Baş Nazirin İrana səfəri zamanı daha çox ikitərəfli əlaqələr müzakirə edilib.

Həm yerli həm də beynəlxalq mətbuatdakı materialların təhlili onu deməyə əsas verir ki, Yaponiya Baş Nazirinin 41 il aradan sonra İrana səfəri təkcə Vaşinqton Tehran münasibətlərinə sabitlik gətirməkdən ibarət deyil. İrana qarşı tətbiq olunan sanksiyalar səbəbindən Yaponiya neft ixracını dayandırıb. Bu isə iqtisadiyyata ağır zərbə vurur. Bu baxımdan Sindzo Abe Tehranda bütün məsələlər haqqında müzakirə aparacaq. Lakin onun başlıca məqsədi ölkəsi üçün İrandan neft ixracını bərpa etmək olacaq.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.