DÜNYA


Yaponiyada Atom və Hidrogen Bombalarına Qarşı Ümumdünya Konqresi keçirilir

Tokio, 2 avqust, AZƏRTAC

Yaponiyada Hiroşima və Naqasaki şəhərlərinə atom bombası atılmasının 76-cı ildönümü ərəfəsində Atom və Hidrogen Bombalarına Qarşı Ümumdünya Konqresi keçirilir.

AZƏRTAC Yaponiya KİV-lərinə istinadla xəbər verir ki, hər il avqust ayında nüvə silahına qarşı olan qüvvələr Hiroşima və ya Naqasaki şəhərlərindən birində toplaşırlar. Cari ildə konqres Yaponiyanın şimal-şərqində yerləşən Fukuşima şəhərində başlayıb.

Bildirilir ki, avqustun 1-də işə başlayan tədbir birbaşa yayım sistemi vasitəsilə translyasiya edilib.

Atom və Hidrogen Bombalarına Qarşı Ümumdünya Konqresinin bu il də bütün dünyaya sülh və atom elektrik stansiyalarından, nüvə silahından və müharibələrdən azad cəmiyyət qurulması üçün müraciət edəcəyi gözlənilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.