DÜNYA


Yaponiyada İmperator sarayı iki aylıq fasilədən sonra ictimaiyyət üçün açılıb

Tokio, 2 iyun, AZƏRTAC

Koronavirus pandemiyasına görə bağlanmış Yaponiya İmperatoru Sarayının Şərq bağı iyunun 2-də iki aylıq fasilədən sonra yenidən ictimaiyyət üçün açılıb.

AZƏRTAC İmperator saray dəftərxanasına istinadla xəbər verir ki, bağı hər gün səhər və günorta saatlarında təqribən 50 nəfərin ziyarət etməsinə icazə verilir. Ziyarətçilər Şərq bağı ilə yanaşı, İmperator kolleksiyaları muzeyinə də baxa bilərlər. Onlardan tibbi maska taxmaları xahiş edilir və saray xidmətçiləri onların temperaturunu ölçür.

Xatırladaq ki, Şərq bağı martın 28-də, İmperator kolleksiyaları muzeyi isə fevralın 29-da koronavirus təhlükəsi ilə əlaqədar bağlanmışdı.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.