DÜNYA


Yaponiyada ağ pələng heyvanxananın əməkdaşını öldürüb

Tokio, 9 oktyabr, AZƏRTAC 

Yaponiyanın cənub-qərbində yerləşən Kaqoşima şəhərindəki heyvanxanada ağ pələng hücum edərək əməkdaşı öldürüb.

AZƏRTAC Kyodo agentliyinə istinadla xəbər verir ki, hadisə oktyabrın 8-də axşam saatlarında baş verib. Təqribən 40 yaşlarında olan kişi açıq havada boynunda caynaq izləri ilə aşkar edilib. Tezliklə xəstəxanaya çatdırılmasına baxmayaraq, həkimlər onun həyatını xilas edə bilməyiblər. Heyvanxananın əməkdaşı ölüm qabağı trankvilizatordan atəş açaraq pələngi zərərsizləşdirib.

Hazırda polis heyvanxanada yoxlama apararaq, burada heyvanlara qarşı necə davranıldığını araşdırır.

Kaqoşima heyvanxanası 1972-ci ildən fəaliyyət göstərir. Burada dörd ağ pələngin saxlanıldığı bildirilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.