DÜNYA


Yaponiyada cari ildə təbii fəlakətlərdən dəyən zərər 10 milyard dolları ötə bilər

Tokio, 5 noyabr, AZƏRTAC 

Yaponiya hökuməti yanında fəaliyyət göstərən Maliyyə İnstitutu bildirib ki, cari ildə baş verən dörd böyük təbii fəlakətin ölkə iqtisadiyyatına vurduğu zərər 10 milyard dolları ötə bilər.

AZƏRTAC NHK telekanalına istinadla xəbər verir ki, həmin fəlakətlər sırasına iyunda Osakanın şimal hissəsində olan zəlzələ, iyulda Yaponiyanın qərbindəki güclü yağışlar, sentyabrda baş verən “21 nömrəli” tufan və həmin ay Hokkaydodakı zəlzələ daxildir.

Yaponiya İnkişaf Bankı həmin təbii fəlakətlərin şirkətlərin istehsal qabiliyyətinə və ölkə turizminə təsirini araşdırır. Bankdan bildirildiyinə görə, bərpa işləri ilə əlaqədar investisiyalar yenidənqurmaya yox, məhsuldarlığın və rəqabətə davamlılığın artırılmasına yönəldilməlidir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.