İQTİSADİYYAT


Yaponiyada keçirilən seminarda Azərbaycanın iqtisadi nailiyyətlərindən söhbət açılıb

Tokio, 3 avqust, AZƏRTAC 

Yaponiyanın Fukuoka şəhərində “Azərbaycan - gələcəyin ölkəsi” adlı növbəti seminar təşkil edilib.

“World Investors TV” internet televiziyasının prodüseri, tanınmış iqtisadçı ekspert Kazuyasu İşida seminarda çıxış edərək bildirib ki, bu tədbirin təşkilində məqsəd iştirakçıları regionun dinamik inkişaf edən ölkəsi olan Azərbaycan haqqında ətraflı məlumatlandırmaqdır. Cari ilin sentyabrında Azərbaycana təşkil ediləcək növbəti səfər barədə məlumat verən K.İşida ölkəmizin son illərdə qazandığı mühüm uğurlardan danışıb.

Seminarda Azərbaycanın sürətlə inkişaf edən iqtisadiyyatı haqqında məlumat verilib. Bildirilib ki, Azərbaycanda karbohidrogen ehtiyatlarının hasilatından əldə edilən mənfəət bacarıqla ölkənin tərəqqisinə yönəldilir.

Ötən ilin sonlarında Tokioda nəşr olunan “Yaponların tanımadığı, sürətlə inkişaf edən ölkə - Azərbaycan” kitabı barədə iştirakçılara məlumat verən iqtisadçı ekspert ölkəmizdə icra edilən nəhəng layihələrdən söz açıb. O, iqtisadiyyatın şaxələndirilməsi istiqamətində də mühüm layihələrin həyata keçirildiyini vurğulayaraq ölkəmizdə yapon şirkətləri ilə əməkdaşlığa böyük maraq olduğunu qeyd edib.

Seminarda, həmçinin Azərbaycanda biznes imkanları, ölkəmizə investisiya qoyuluşunun əlverişliliyi barədə məlumat verilib. Qeyd edilib ki, qanunvericilik sahəsində aparılmış islahatlar, xarici investorlar üçün sadələşdirilmiş prosedurlar, “Vahid pəncərə” sisteminin tətbiqi kiçik və orta sahibkarlığın təşviqində əhəmiyyətli rol oynayıb.

Sonda iştirakçıların sualları cavablandırılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.