DÜNYA


Yaponiyada koronavirusa bir gündə rekord yoluxma halı qeydə alınıb

Tokio, 8 aprel, AZƏRTAC

Yaponiyada bir gündə rekord miqdarda COVID-19 koronavirusuna yoluxma halı qeydə alınıb.

AZƏRTAC NHK telekanalına istinadla xəbər verir ki, ilk dəfə olaraq bir gündə koronavirusa yoluxanların sayı 400-ü keçib. Bildirilir ki, aprelin 8-də bir gün əvvəl olduğundan 455 nəfər daha çox yoluxan qeydə alınıb.

Yalnız Tokioda həmin gün 144 nəfərin virusa yoluxduğu məlum olub. Yoluxanlardan 95-nin mənbəyini aydınlaşdırmaq mümkün olmayıb.

Beləliklə aprelin 8-də bütün Yaponiya üzrə koronavirusa yoluxanların sayı 5565 nəfərə çatıb. Onlardan 113-nün öldüyü bildirilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.