DÜNYA


Yaponiyada maliyyə şirkəti kiberhücuma məruz qalıb

Tokio, 29 iyun, AZƏRTAC

Yaponiyanın “kabu.com Securities Co.,Ltd” şirkəti kiberhücuma məruz qalıb. Bu barədə Kyodo agentliyi məlumat yayıb.

Məlumatda qeyd edilir ki, həmin şirkət internetdə müxtəlif xidmətləri – səhmlərin alqı-satqısını, valyuta əməliyyatlarını həyata keçirir. Kiberhücum nəticəsində şirkətin saytı bir müddət sıradan çıxıb. Şirkət ərizə ilə polisə müraciət edib. Hazırda hüquq-mühafizə orqanları hadisənin Avropada baş vermiş virusla əlaqəsini araşdırırlar. Əgər bu təsdiqini taparsa, onda həmin şirkətə hücum virusun Yaponiyada ilk işi olacaq.

Xatırladaq ki, iyunun 27-də virusun hücumu dünyanın bir çox ölkələrində, daha çox Ukraynada şirkətlərin İT sistemlərini sıradan çıxarıb. Bir çox neft, energetika, telekommunikasiya, farmaseft şirkətləri, o cümlədən dövlət orqanları bu virusun hücumundan zərər çəkiblər.

İlkin məlumatlarda həmin virusun “Petya” ailəsinə məxsus olduğu bildirilsə də, lakin sonradan tamamilə fərqli funksiyalara malik olduğu aydınlaşıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.