DÜNYA


Yaponiyada onsen Valentin günündə müştərilərə şokolad vannası təklif edir

Tokio, 14 fevral, AZƏRTAC

Sevgililərin bayramı hesab edilən müqəddəs Valentin günündə Yaponiyanın məşhur turizm rayonlarından biri olan Hakonedə “Yunessun” onseni ziyarətçilərə şokolad vannası təklif edir.

Həmin gün sevgililərin bayramı olmasına baxmayaraq, yalnız gənclər deyil, eyni zamanda uşaqlı ailələr də böyük məmnuniyyətlə bu bayramın sevincini yaşamağa çalışırlar. Bayram günü və bu ərəfədə onsenə gələnlərin sayı həddindən artıq çox olur. Onsenin aşpaz paltarı geymiş xidmətçiləri onları müxtəlif şokolad növlərinə qonaq edirlər. Ailəliklə bayrama qatılan insanlar çox da böyük olmayan hovuzlarda həm isti su qəbul edir, həm də isti şokoladın dadına baxırlar.

Müqəddəs Valentin günündə qadınların kişilərə şokolad hədiyyə etməsi ənənəsi Yaponiyada qədim dövrlərdən mövcuddur.

Statistik məlumatlara görə, Yaponiyada il ərzində ən çox şokolad məhz Valentin günündə satılır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.