DÜNYA


Yaponiyada polisə bıçaqla hücum edən şəxs onu yaralayaraq silahını götürüb

Tokio, 16 iyun, AZƏRTAC

Yaponiyanın Osaka prefekturasının Suita şəhərində polisə bıçaqla hücum edən şəxs onu yaralayaraq silahını götürüb.

AZƏRTAC xəbər verir ki, bu barədə Kyodo agentliyi məlumat yayıb.

Bildirilir ki, polis məntəqəsinə hücum bazar günü səhər saatlarında baş verib. Məntəqədə tək olan polisə hücum edən şəxs ona bir neçə bıçaq zərbəsi endirərək tabel silahını götürüb.

Hazırda həmin polisin vəziyyəti ağır hesab edilir. Hadisə yerindən qaçan şəxsin axtarışları davam etdirilir.

Qeyd edək ki, hadisə G20 ölkələri liderlərinin Osakada iyunun sonlarında keçiriləcək sammiti ərəfəsində baş verib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.