DÜNYA


Yaponiyada qasırğa səbəbindən 40 min nəfərin təxliyə olunması tövsiyə edilib

Bakı, 3 iyul, AZƏRTAC

Yaponiyanın cənub-qərbində yerləşən Kyusyu adasının 4 prefekturasında hökumət orqanları “Prapirun” qasırğasının yaxınlaşması səbəbindən 38 min nəfərin təxliyə olunmasını tövsiyə edib. Tövsiyə Kaqosima, Kumamoto, Fukuoka və Miyadzaki prefekturasının sakinlərinə aiddir.

Hazırda qasırğa Yapon dənizi istiqamətindən Yaponiya arxipelaqına çatıb. Onun mərkəzində təzyiq 960 hektopaskala, küləyin sürəti isə saniyədə 35 metrə, bəzi hallarda isə 50 metrə çatır. “Prapirun” özü ilə leysan yağışları da gətirir. Belə ki, Okinava prefekturasında 3 saat ərzində 184 millimetr yağıntı qeydə alınıb. Ölkənin Baş Meteoroloji İdarəsi torpaq sürüşmələrinin və çaylarda daşqınların baş verə biləcəyi barədə xəbərdarlıq edib. Əhaliyə vacib olmadığı təqdirdə evlərindən çıxmamaq tövsiyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.