DÜNYA


Yaponiyada qəzaya uğramış F-15 qırıcısının pilotlarından birinin cəsədi tapılıb

Yaponiyada qəzaya uğramış F-15 qırıcısının pilotlarından birinin cəsədi tapılıb

Tokio, 13 fevral, AZƏRTAC

Yaponiyalı xilasedicilər ölkənin özünümüdafiə qüvvələrinin ötən ay qəzaya uğramış F-15 qırıcısının pilotlarından birinin cəsədini tapıblar.

AZƏRTAC xəbər verir ki, bu barədə fevralın 13-də JIJI PRESS agentliyi məlumat yayıb. Bildirilir ki, hazırda ikinci pilotun axtarışları davam etdirilir.

Xatırladaq ki, hadisə yanvarın 31-də baş verib. Həmin gün İşikava prefekturasının Komatsu bazasından havaya qalxan hərbi təyyarə Yapon dənizi üzərində radarlardan itib. Təyyarənin təlim uçuşu keçirdiyi bildirilirdi.

Qeyd edək ki, Yaponiya özünümüdafiə qüvvələri təqribən 200 ədəd F-15 qırıcı təyyarəyə malikdir. Bu təyyarələr, əsasən, Yaponiya sərhədlərinə yaxınlaşan xarici təyyarələri müşayiət edirlər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.