DÜNYA


Yaponiyada son bir həftədə isti hava nəticəsində 39 nəfər həlak olub

Tokio, 31 iyul, AZƏRTAC

Son bir həftə ərzində Yaponiyada isti hava nəticəsində 39 nəfər həlak olub, 13721 nəfər isə günvurma diaqnozu ilə xəstəxanalara yerləşdirilib.

AZƏRTAC xəbər verir ki, bu barədə iyulun 31-də Yaponiya Baş Yanğınsöndürmə İdarəsi məlumat yayıb.

Ən isti hava temperaturu Yaponiyanın mərkəzi və qərbi rayonlarında qeydə alınıb. Məsəl üçün, dağlıq ərazidə yerləşən Qifu prefekturasında istirahət günlərində termometrlərin civə sütunu müsbət 39 dərəcə selsini göstərib ki, bu da cari yayın ən yüksək hava temperaturudur. Paytaxt Tokioda isə səhər saatlarında havanın temperaturu müsbət 33-34 dərəcə selsiyə bərabər olub.

Xəsarət alanaların əksəriyyəti açıq havada olduqları vaxtı qeydə almayan və ya qənaət məqsədilə kondisionerlərdən istifadə etməyən yaşlı insanlardır.

Xatırladaq ki, ötən yay Yaponiyada isti hava nəticəsində 44 nəfər ölmüş, on minlərlə insan xəstəxanalara yerləşdirilmişdi.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.