DÜNYA


Yaponiyada yaxınlaşan fırtına səbəbindən 400-ə yaxın aviareys ləğv olunub

Bakı, 14 avqust, AZƏRTAC

“Krosa” fırtınasının yaxınlaşması ilə əlaqədar Yaponiyanın Küsyü adasını digər rayonlarla əlaqələndirən 400-ə yaxın daxili aviareys ləğv olunub.

AZƏRTAC NHK telekanalına istinadla xəbər verir ki, çərşənbə günü 170 aviareys ləğv edilib, həmçinin avqustun 15-nə planlaşdırılan daha 228 daxili aviareys həyata keçirilməyəcək.

Hazırda fırtına Taneqasima adasından 190 kilometr şərqdə yerləşir. Siklonun mərkəzində küləyin sürəti saniyədə 30 metrə çatır, bəzən 40 metrədək güclənir. Dənizdə dalğanın hündürlüyü isə 9 metrə çata bilər. Fırtınanın Küsyü adasına cümə axşamı gününə keçən gecə çatacağı gözlənilir. Siklon saatda 20 kilometr sürətlə irəliləyir.

Meteoroloqlar xəbərdarlıq edirlər ki, fırtına regiona leysan yağışlar və şiddətli külək gətirəcək. Habelə daşqın və torpaq sürüşmələri ehtimalı yüksəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.