DÜNYA


Yaponiyalı sürücülər işıqforun qırmızı işığının yanması barədə xəbərdar ediləcəklər

Tokio, 22 yanvar, AZƏRTAC

Yaponiya polisi sürücüləri hərəkət istiqamətində işıqforun qırmızı işığının yanması barədə xəbərdar edən sistem hazırlayıb.

AZƏRTAC xəbər verir ki, Tokionun şimalında yerləşən Saytama prefekturasının polisi tərəfindən hazırlanan bu sistem ötən ilin dekabrından tətbiq olunmağa başlayıb. Həmin sistem infraqırmızı mayakdan istifadə edərək, işıqfor barədə məlumatı avtomobildəki naviqasiya qurğusuna ötürür.

Avtomobilin yol kəsişməsindən təqribən 100 metr məsafədə olduğu zaman işıqforda qırmızı işıq yanarsa, bu zaman maşının naviqasiya displeyində xəbərdarlıq görünür.

Saytamanın rəsmi nümayəndələrinin bildirdiyinə görə, ötən ilin yanvarından noyabradək bu prefekturada sürücülərin işıqforun qırmızı işığının yanmasını vaxtında görməmələri səbəbindən 3 mindən çox yol-nəqliyyat hadisəsi baş verib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.