DÜNYA


Yaponiyanın Baş Naziri Nyu-Yorkda ABŞ və İran prezidentləri ilə görüşəcək

Tokio, 22 sentyabr, AZƏRTAC

Yaponiyanın Baş Naziri Şinzo Abe BMT Baş Assambleyasında iştirak etmək üçün sentyabrın 23-dən 26-dək Nyu-Yorka səfərdə olacaq. Səfər çərçivəsində Ş.Abe ABŞ Prezidenti Donald Tramp və İran Prezidenti Həsən Ruhani ilə görüşəcək.

AZƏRTAC xəbər verir ki, bu barədə Yaponiya Nazirlər Kabinetinin baş katibi Yoşihide Suqa ənənəvi mətbuat konfransında məlumat verib.

“Baş nazir Şinzo Abe sentyabrın 23-dən 26-dək Nyu-Yorku ziyarət edəcək, 26-dan 28-dək isə Brüsseldə olacaq. Nyu-Yorkda o, BMT Baş Assambleyasındakı tədbirlərə qatılacaq, həmçinin onun ABŞ və İran prezidentləri ilə yüksək səviyyəli görüşləri planlaşdırılır. Brüsseldə isə o, Avropa Komissiyasının sədri Jan-Klod Yunkerlə görüşəcək”, - deyə baş katib bildirib.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.