DÜNYA


Yaponiyanın “JAL” aviaşirkəti səsdən iti təyyarənin hazırlanmasını maliyyələşdirəcək

Tokio, 6 dekabr, AZƏRTAC

Yaponiyanın “Japan Airlines” (JAL) aviaşirkəti səsdən iti təyyarənin hazırlanması üçün ABŞ şirkətlərindən birinə 10 milyon dollar vəsait ayırmağı planlaşdırır.

AZƏRTAC NHK telekanalına istinadla xəbər verir ki, “Boom Technology” şirkəti səsin sürətini təqribən iki dəfə üstələyəcək təyyarənin hazırlaması üzərində işləyir. Bu aparatın saatda 2300 kilometr sürətlə uçacağı bildirilir.

Həmin təyyarənin Tokiodan San-Fransiskoya qədər olan məsafəni iki dəfə azaldaraq 5 saat yarıma qət edəcəyi gözlənilir. Həmin startap şirkətinin təyyarələrin kommersiya istifadəsinə 2023-cü ildə başlayacağı bildirilir.

“JAL” şirkətindən verilən məlumata görə, şirkət artıq 20 təyyarənin sifarişi hüququnu əldə edib. Səsdən iti təyyarənin nə zaman və hansı marşrutlarda istifadə olunacağı, təyyarənin təhlükəsizliyi və yaradacağı səs həddinin azalması ilə bağlı tədbirlər təsdiq edildikdən sonra dəqiqləşdiriləcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.