DÜNYA


Yaponiyanın Kyüşü adası sahillərində iki güclü zəlzələ olub

Tokio, 10 may, AZƏRTAC

Mayın 10-da Yaponiyanın Kyüşü adası sahillərində təqribən bir saat ərzində iki güclü zəlzələ baş verib.

AZƏRTAC xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

5,6 bal gücündə birinci güclü zəlzələ yerli vaxtla saat 7:43 dəqiqədə qeydə alınıb. Onun episentrinin Miyazaki şəhərindən 22 kilometr cənubda, ocağının isə 30 kilometr dərinlikdə yerləşdiyi bildirilir.

İkinci 6,3 bal gücündə zəlzələ isə yerli vaxtla saat 8:48 dəqiqədə baş verib. Bu zəlzələnin episentri Miyazaki şəhərindən 39 kilometr şərqdə, ocağı 40 kilometr dərinlikdə yerləşib.

Dağıntılar və zərəçəkənlər barədə məlumat verilmir. Sunami təhlükəsi elan edilməyib.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.