DÜNYA
Yaponiyanın Kyuşu adasındakı Aso dağında partlayışlı püskürmə baş verib
Tokio, 8 oktyabr, AZƏRTAC.
Yaponiya Meteorologiya Agentliyinin verdiyi məlumata görə, oktyabrın 8-də səhər Kyuşu adasında yerləşən Aso dağında vulkanik püskürmə qeydə alınıb. Partlayış xarakterli bu püskürmə son 36 ildə ilk dəfə baş verib.
Agentlik təhlükə səviyyəsini beş ballı cədvəl üzrə ikinci səviyyədən üçüncüyə qaldırıb. Yerli əhaliyə vulkanın kraterindən iki kilometr radiusda düşə biləcək daşlardan qorunmaqla bağlı müraciət göndərilib.
Meteoroloqların rəyinə görə, püskürmə daşları bir kilometrdən çox məsafəyə ata bilər. Püskürmə nəticəsində vulkanik tüstünün 11 min metrdən yuxarı qalxdığı bildirilir. Bununla yanaşı, vulkanik külün kraterin şimal-şərqindəki geniş əraziləri əhatə edəcəyi gözlənilir.
Yerli polisin məlumatına əsasən, püskürmə nəticəsində zərərçəkənlər barədə məlumat daxil olmayıb.
“Kyushu Electric Power Co.” şirkətinin məlumatında isə püskürmə nəticəsində 1600-dən çox evin 20 dəqiqə müddətində elektrik enerjisiz qaldığı bildirilir.
Vüqar Ağayev
AZƏRTAC-ın xüsusi müxbiri
Tokio
MÜƏLLİFLƏ ƏLAQƏ
Bölmənin digər xəbərləri
- 28.03.2024 [19:46]
İtaliya İsraili Rəfahda hərbi əməliyyat keçirməməyə çağırıb
- 28.03.2024 [18:54]
Nyu-Yorkun mərkəzində avtomobil sürmək üçün rüsum ödəniləcək
- 28.03.2024 [18:49]
Roma Papasının səhhəti yaxşılaşıb
- 28.03.2024 [18:45]
N.Paşinyan: Ermənistanda yalnız bir hökumət var və ikincisi ola bilməz
- 28.03.2024 [18:31]
Türkiyə Qəzzaya növbəti humanitar yardım gəmisi göndərib
- 28.03.2024 [18:26]
Gürcüstanda doğulan uşaqların sayı 5 faiz azalıb
- 28.03.2024 [17:20]