DÜNYA


Yaponiyanın cənub-qərbində 6 bal gücündə zəlzələ olub

Tokio, 9 dekabr, AZƏRTAC

Dekabrın 9-da yerli vaxtla saat 11:05 dəqiqədə Yaponiyanın cənub-qərbindəki Kaqoşima prefekturasında 6 bal gücündə zəlzələ baş verib.

AZƏRTAC xəbər verir ki, bu barədə Yaponiya Meteorologiya Agentliyi məlumat yayıb.

Yeraltı təkanların episentri prefekturanın Toşima kəndi ərazisində, ocağı 20 kilometr dərinlikdə yerləşib. Agentliyin bildirdiyinə görə, zəlzələ ötən həftənin şənbə günündən bir neçə yeraltı təkanın qeydə alındığı Tokara adalar zəncirinin yaxınlığında baş verib. Yeraltı təkanlar yaxınlıqdakı bütün ərazilərdə hiss edilib.

Dağıntılar və xəsarət alanlar barədə məlumat verilmir. Sunami xəbərdarlığı elan olunmayıb.

Bununla yanaşı, yerli sakinlərə yaxın bir neçə gündə zəlzələyə qarşı diqqətli olmaq tövsiyə edilib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.