CƏMİYYƏT


Yaponiyanın ənənəvi şirniyyatının hazırlanması üzrə təqdimat və təlim keçirilib

Bakı, 19 iyun, AZƏRTAC

İyunun 19-da Yaponiyanın Azərbaycandakı səfirliyi ənənəvi yapon şirniyyat növü olan moçinin hazırlanması və müxtəlif maraqlı fiqurlar halında təqdim olunması ilə bağlı bu ölkədən gələn şirniyyat ustası tərəfindən təlim və nümayiş keçirib.

AZƏRTAC xəbər verir ki, əsas məqsəd Azərbaycanda Yaponiyanın ənənəvi şirniyyat növünün təqdimatı, yapon qənnadı məmulatları ilə tanışlıq olub. Təqdimat 2022-ci il “Yaponiya-Azərbaycan dostluq ili” çərçivəsində həyata keçirilib.

Tədbir Yaponiyanın Osaka şəhərinin Sakai rayonunda 90 ildən çoxdur fəaliyyət göstərən məşhur “Housen Şirniyyat” mağazasının əsas şirniyyat ustası Takayuki Maedanın təqdimatında təşkil edilib.

Qeyd edək ki, T.Maeda indiyədək Koreya, Sinqapur, Vyetnam və digər xarici ölkələrdə yapon şirniyyatının hazırlanması tədbirləri həyata keçirib və bu sahədə təcrübəyə malikdir. O, ənənəvi yapon şirniyyatlarını hazırlamaqdan əlavə, onların gözəl və maraqlı fiqur halına salınması, müxtəlif cizgi filmləri personajlarının təsvir olunduğu şirniyyatlar hazırlamaq üzrə xüsusilə məşhurdur.

Nümayiş zamanı “Yaponiya-Azərbaycan dostluq ili”ni təsvir edən xüsusi şirniyyat dekorasiyası da təqdim olunub.

Tədbirdə Yaponiyanın Azərbaycandakı səfiri Vada Cuniçi də iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.