DÜNYA


Yaponiyanın mərkəzində 5 bal gücündə zəlzələ olub

Tokio, 27 noyabr, AZƏRTAC 

Noyabrın 27-də Yaponiyanın mərkəzi hissəsində 5 bal gücündə zəlzələ olub.

AZƏRTAC Yaponiya Milli Meteorologiya Agentliyinə istinadla xəbər verir ki, yeraltı təkanların episentri İbaraki prefekturasında, ocağı 50 kilometr dərinlikdə yerləşib.

Dağıntılar və zərərçəkənlər barədə məlumat verilmir. Sunami təhlükəsi elan edilsə də bir neçə dəqiqədən sonra ləğv olunub. Yeraltı təkanlar ölkənin mərkəzində və şimal-şərq hissəsində, o cümlədən Çiba, İbaraki prefekturalarında və paytaxt regionunda hiss olunub. Zəlzələ atom enerjisi obyektlərində problem yaratmayıb. Lakin elektrik enerjisinin verilişi kəsildiyinə görə, sürətli “Şinkansen” qatarlarının iki xəttində hərəkət müvəqqəti olaraq dayanıb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.