DÜNYA


Yaponiyanın qərbinə yaxınlaşan tufana görə sürətli qatarların hərəkət cədvəli dəyişdirilib

Tokio, 14 avqust, AZƏRTAC

Yaponiyanın “JR Nishi Nihon” dəmiryolu operatoru avqustun 14-də “Korsa” tufanının yaxınlaşması ilə əlaqədar ölkənin qərbində “Şinkansen” super ekspresslərinin əksəriyyətinin hərəkət cədvəlində dəyişiklik edib.

AZƏRTAC xəbər verir ki, operatorun bildirdiyinə görə Osaka prefekturasının Şin-Osaka stansiyası ilə Fukuoka prefekturasının Kokura stansiyası arasında “Sanyo Şinkansen” xətti boyunca bütün qatarların hərəkəti dayandırılıb.

Eyni zamanda, “JR Tokai” dəmiryolu operatoru bildirib ki, “Tokaydo Şinkansen” xətti ilə Şin-Osaka stansiyasına gələn qatarlar “Sanyo” xətti boyunca hərəkət etməyərək geriyə - Tokioya qayıdacaqlar.

“JR Nishi Nihon” dəmiryolu operatoru, həmçinin Okayama, Hiroşima və Yamaquçi prefekturalarında adi dəmiryolu xətlərində işi tamamilə dayandırıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.