CƏMİYYƏT


Yaqut Qarayeva: Hazırda iki peyvənd üzərində ciddi iş gedir

Bakı, 15 avqust, AZƏRTAC

Hazırda tibbi qərargahda iki peyvənd üzərində ciddi iş gedir. Birincisi, qarşıdan gələn payız-qış mövsümündə yayıla bilən qrip xəstəliyinə qarşı olan peyvənddir. Həmin peyvəndin aparılması istiqamətində işlər görülür. İkincisi, bütün dünyanı maraqlandıran COVID-19 xəstəliyənə qarşı peyvənddir.

AZƏRTAC xəbər verir ki, bunu Nazirlər Kabineti yanında Operativ Qərargahın mətbuat konfransında TƏBİB-in şöbə müdiri Yaqut Qarayeva deyib. "Ölkəmizin mövqeyi odur ki, peyvənd mütləq olaraq təsdiq olunmuş, zərərsiz və Ümumdünya Səhiyyə Təşkilatı tərəfindən qəbul olunmuş peyvənd olmalıdır. Ötən həftə bununla bağlı GAVI təşkilatı onlayn toplantı keçirib. Təşkilatın əsas məqsədi zərərsiz, keyfiyyətli peyvəndlərin əlçatan olmasıdır. Azərbaycan da bu təşkilatın üzvüdür. Keçən həftə 150 ölkənin iştirak etdiyi toplantıda ölkəmizi TƏBİB-in İdarə Heyətinin sədri Ramin Bayramlı təmsil edib. Ölkəmiz tez bir zamanda təsdiq olunmuş peyvəndin alınıb gətirilməsi ilə bağlı işlər aparır", - deyə Y.Qarayeva qeyd edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.