ELM VƏ TƏHSİL


“Yaradıcı məktəblər”in həmmüəllifi “Yeni çağırışlar”da

Bakı, 17 yanvar, AZƏRTAC

Yanvarın 25-də saat 19:00-da “Yeni çağırışlar” onlayn müzakirə proqramının növbəti buraxılışı yayımlanacaq.

Təhsil Nazirliyindən AZƏRTAC-a bildirilib ki, proqramın budəfəki qonağı dünyaşöhrətli yazıçı, “Nyu York Tayms” bestsellər müəllifi, redaktor və naşir Lu Aronikadır. Lu Aronika ilə “yaradıcı məktəblər” barədə danışılacaq.

Lu Aronika dünyaşöhrətli yazıçı Ken Robinson ilə birlikdə “Nyu York Tayms” bestsellərindən “Yaradıcı məktəblər”, “Sən, övladın və məktəb: ən yaxşı təhsilə aparan bələdçi”, “Öz gücünü tap” kitablarının həmmüəllifi, o cümlədən “Sonsuz il”, “Qışda kəşf”, “Yarpaqlar” və digər kitabların müəllifidir.

Qeyd edək ki, Təhsil Nazirliyinin dəstəyi və “T-Network” platformasının təşkilatçılığı ilə davam edən proqram Təhsil Nazirliyinin rəsmi feysbuk səhifəsi üzərindən Azərbaycan dilinə tərcümə ilə canlı yayımlanacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.