REGİONLAR


Yardımlıda indiyədək 1620 hektar sahədə müxtəlif növ yazlıq bitkilər əkilib

Yardımlı, 4 iyun, Bağır Əliyev, AZƏRTAC

Yardımlı rayonunda 2021-ci ilin məhsulu üçün yazlıq bitkilərin əkin kampaniyası başa çatmaq üzrədir. Statistik hesabatlara əsasən, 2021-ci ilin məhsulu üçün iyunun 1-dək rayonda 1620 hektar sahədə müxtəlif növ yazlıq bitkilər əkilib. Yazlıq əkin kampaniyasında rayonun Ərsilə, Avaş və Urakəran ərazi nümayəndəliklərinin təsərrüfatları daha fəal iştirak edirlər.

Bu barədə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.

Bildirilib ki, yazlıq əkin sahəsinin 843,5 hektarını kartof, 589,1 hektarını dənli və dənli paxlalı bitkilər, 11,2 hektarını tütün, 176,2 hektarını isə müxtəlif növ tərəvəz bitkiləri təşkil edir.

Rayonda ötən ilin müvafiq dövrü ilə müqayisədə 5,6 hektar çox əkin aparılıb.

Hazırda 2021-ci ilin məhsulu üçün yazlıq bitkilərin əkini nisbətən dağlıq olan ərazilərdə davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.