REGİONLAR


Yardımlının Şıxlar və Bilnə kəndlərində inşa edilmiş modul tipli yeni məktəb binaları istifadəyə verilib

Yardımlı, 10 oktyabr, Bağır Əliyev, AZƏRTAC

Oktyabrın 10-da Yardımlı rayonunun Şıxlar və Bilnə kəndlərində inşa edilmiş modul tipli yeni məktəb binaları istifadəyə verilib.

AZƏRTAC-ın bölgə müxbiri xəbər verir ki, Şıxlar kənd tam orta məktəbi üçün inşa edilmiş 80 və Bilnə kənd ümumi orta məktəbi üçün inşa edilmiş 40 şagird yerlik yeni modul tipli məktəblərdə şagirdlərin yüksək səviyyədə təhsil almaları üçün hər cür şərait yaradılıb.

Bu münasibətlə hər iki kənddə keçirilən açılış mərasimlərində çıxış edən Yardımlı Rayon İcra Hakimiyyətinin başçısı Ayaz Əsgərov müəllim və şagirdləri yeni məktəb binalarının istifadəyə verilməsi münasibətilə təbrik edərək onlara ən xoş arzularını çatdırıb.

Hər iki kəndin sakinləri ucqar dağ rayonunun inkişafına göstərilən diqqət və qayğıya görə Prezident İlham Əliyevə minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.