Yasamal rayonunun bəzi ərazilərində elektrik enerjisi təchizatı dayandırılacaq

Bakı, 16 yanvar, AZƏRTAC

Yanvarın 16-da Yasamal rayonu ərazisində yerləşən A.Şaiq, L.Tolstoy, Ç.Mustafayev, M.Əliyev, A.Qarayev, Şahbazi küçələrinin kəsişdiyi bəzi ərazilərdə elektrik enerjisinin təchizatı müəyyən müddətə qədər dayandırılacaq.

AZƏRTAC xəbər verir ki, bu barədə “Azərişıq” ASC-nin mətbuat xidmətinin rəhbəri Tanrıverdi Mustafayev deyib.

T.Mustafayev qeyd edib ki, buna səbəb, köhnə “Sovetski” adlanan ərazidə davam edən abadlıq və yenidənqurma işləri, köhnəlmiş elektrik verilişi xətlərinin və yeraltı kabel xətlərinin (elektrik enerjisi infrastrukturunun yenidən qurulması) yenilənməsidir.