CƏMİYYƏT


Yasamalda vərəm xəstəliyi və onun müalicəsinə müasir yanaşmalarla əlaqədar seminar keçirilib

Bakı, 18 fevral, AZƏRTAC

Əziz Əliyev adına Azərbaycan Dövlət Həkimləri Təkmilləşdirmə İnstitutunun ftiziatriya kafedrası Bakıdakı 19 nömrəli poliklinikada “Vərəmin erkən aşkarlanması, profilaktikası və müalicəsinə müasir yanaşmalar” mövzusunda seminar keçirib.

İnstitutun mətbuat xidmətindən AZƏRTAC-a verilən məlumata görə, seminarda vərəmin erkən aşkarlanması məqsədilə ilkin tibbi xidmət mərhələsində tibb işçilərinin və əhalinin sanitar maarifləndirilməsi, stiqma hallarının aradan qaldırılması istiqamətində müzakirələrin keçirilməsi və əhali arasında bukletlərin yayılmasıının rolu müzakirə edilib.

Seminarda Yasamal rayonunda seçilmiş risk qruplarının vərəmin aşkarlanmasına və ümumilikdə xəstələnmənin intensiv səviyyəsinə təsiri haqqında məlumat verilib. Qeyd edilib ki, son üç ildə risk qrupları arasında aparılan məqsədli müayinələrin nəticəsində Yasamal rayonunda mono- və poli-davamlı xəstələrin 2,9 dəfə, ciddi dərmana davamlı formaların 12,1 dəfə azalması, müalicənin səmərəsinin isə 92,3 faiz səviyyəsinə çatması müşahidə olunur.

Uşaq, yeniyetmə və gənclər arasında latent vərəm infeksiyasını aydınlaşdırmaq üçün risk qruplarının seçilərək immunodiaqnostikaya cəlbi, yaşlı əhali arasında aktiv və passiv müayinə metodlarının tətbiqi, görülən tədbirlərin vərəmin aşkarlanması və xəstələnmənin intensiv səviyyəsinə təsiri müzakirə edilib. Xəstəliyin müalicəsində bakterioloji müayinənin rolu və onun müalicənin səmərəsinə təsiri müasir müalicə sxemləri haqqında geniş izahat verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.