İQTİSADİYYAT


Yaşayış binasındakı liftlər üçün normalar müəyyənləşdirilib

Bakı, 13 dekabr, AZƏRTAC

Yaşayış binalarının damında verilişlərin kollektiv qəbulu üçün televiziya anteni və radio verilişi şəbəkə dirəyinin quraşdırılması nəzərdə tutulmalıdır. Radiorele dirəklərinin və qüllələrinin quraşdırılması qadağandır.

AZƏRTAC Dövlət Şəhərsalma və Arxitektura Komitəsinə istinadla xəbər verir ki, bu barədə komitənin kollegiyası tərəfindən təsdiqlənən “Yaşayış binaları. Layihələndirmə normaları” ilə bağlı məlumatda bildirilib.

Yaşayış binasında liftlər isə Azərbaycan Respublikası Şəhərsalma və Tikinti Məcəlləsinin tələblərinə uyğun layihələndirilməlidir.

Normalara əsasən, liftin qarşısındakı meydançanın eni və liftin ölçüləri təcili yardım xərəyində daşınan xəstəni liftə keçirməyə imkan verməli və aşağıdakı göstəricilərdən az olmamalıdır:

- yükgötürmə qabiliyyəti 1000 kiloqrama qədər, kabinəsinin eni 2100 millimetr olan liftin qarşısında -1,6 metrdən;

- yükgötürmə qabiliyyəti 1000 kiloqrama qədər, kabinəsinin dərinliyi 2100 millimetr olan liftin qarşısında- 2,1 metrdən az olmamalıdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.