DÜNYA


Yəmən üsyançıları Səudiyyə Ərəbistanının aeroportuna yenidən hücum edib

Bakı, 17 iyun, AZƏRTAC

Yəmən üsyançıları - husilər Səudiyyə Ərəbistanının cənubundakı Abha şəhərinin hava limanına növbəti zərbə endiriblər.

AZƏRTAC PRESS TV telekanalına istinadla xəbər verir ki, hücum dronlar vasitəsilə həyata keçirilib. Digər təfərrüatlar barədə məlumat verilmir.

Ötən həftənin sonlarında husilər tərəfindən buraxılmış beş pilotsuz uçuş aparatı Səudiyyə Ərəbistanının hava hücumundan müdafiə qüvvələri tərəfindən ələ keçirilmişdi. Şənbə günü üsyançılar Abha aeroportuna, bundan bir qədər əvvəl isə qonşu Cizan əyalətində yerləşən aeroporta raket atmışdılar.

Xatırladaq ki, Yəməndə silahlı münaqişə beş ildən çoxdur davam edir. Səudiyyə Ərəbistanının başçılıq etdiyi ərəb koalisiyası üsyançılarla qarşıdurmada Yəmən prezidenti Mansur Hadinin qoşunlarını dəstəkləyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.