DÜNYA


Yəməndə hərbi texnikanın partladılması nəticəsində 3 əsgər həlak olub

Bakı, 13 fevral, AZƏRTAC

Birləşmiş Ərəb Əmirliklərinin dəstəklədiyi və Yəməndə husi üsyançılarına qarşı döyüşən “ərəb koalisiyasına” məxsus hərbi texnikanın partladılması nəticəsində 3 yəmənli əsgər həlak olub.

AZƏRTAC Yəmənin “Saba” informasiya agentliyinə istinadla xəbər verir ki, Yəmənin Abyan əyalətində yerləşən hərbi bazadan əyalətin paytaxtı Zənzibara gedən hərbçilərə qaşı terrorçular tərəfindən bombalı hücum olub. İnsident nəticəsində bir neçə əsgərin də yaralandığı bildirilir. Yəmən ordusundan əlavə ediblər ki, hərbçilər “Əl-Qaidə” terror təşkilatının üzvlərinin bu şəhərdəki sığınacaqlarını aşkar etmək üçün göndəriliblər.

Xatırladaq ki, Yəməndə silahlı münaqişə 2014-cü ildən – husi üsyançılarının paytaxt Səna da olmaqla bütün şəhərlərində başlayıb. 2015-ci ildə Səudiyyə Ərəbistanın başçılıq etdiyi “ərəb koalisiyası”nın yerli hökumətlə üsyançılar arasında münaqişəyə müdaxiləsindən sonra vəziyyət daha da gərginləşib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.