DÜNYA


Yəmənli nazir Efiopiyada qəzaya uğramış təyyarəyə gecikib

Bakı, 11 mart, AZƏRTAC

Yəmənin su resursları və ətraf mühit naziri Nabil Abdullah “Ethiopian Airlines” aviakompaniyasının Efiopiyada qəzaya uğramış təyyarəsinə gecikdiyi üçün sağ qalıb.

AZƏRTAC xəbər verir ki, bunu nazir müavini Facebook səhifəsində yazıb. Onun sözlərinə görə, nazir reysə bir neçə dəqiqə gecikib. Nabil Abdullah aeroporta gələrkən artıq təyyarəyə minik qapısı bağlanmışdı.

Xatırladaq ki, “Ethiopian Airlines” aviakompaniyasına məxsus “Boeing 737-8” təyyarəsi martın 10-da səhər saatlarında Efiopiyanın Debre-Zeyt şəhəri yaxınlığında qəzaya uğrayıb. Təyyarənin göyərtəsindəki 157 sərnişin, o cümlədən 8 ekipaj üzvü həlak olub.

“Ethiopian Airlines” qəzadan sonra bütün “Boeing 737-8” təyyarələrinin uçuşlarını dayandırıb. Aviakompaniyadan bildiriblər ki, qəzanın dəqiq səbəbləri bəlli olmasa da, bu qərar əlavə təhlükəsizlik tədbiri kimi qəbul edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.