DÜNYA


Yeni Zelandiyada məscidlərdə törədilən terror aktları qurbanlarının xatirəsi anılıb

Tokio, 22 mart, AZƏRTAC

Yeni Zelandiyanın sakinləri ölkənin iki məscidində bir həftə bundan əvvəl törədilən terror aktları nəticəsində həlak olanların xatirəsini iki dəqiqəlik sükutla anıblar.

AZƏRTAC xəbər verir ki, bu barədə “1 News” telekanalı məlumat yayıb.

Bildirilir ki, bir həftə əvvəl terror aktının törədildiyi Kraystçörç şəhərindəki məscid qarşısında minlərlə insan, o cümlədən müsəlman icmasının liderləri, Baş nazir Casinda Ardern və xarici dövlətlərin 30-a yaxın yüksəkvəzifəli nümayəndəsi toplaşıb.

Yerli vaxtla saat 13:30-da, cümə namazına çağırışın səsləndiyi anda başlayan mərasimə bütün sakinlər qatılıblar.

Xatırladaq ki, polisin verdiyi məlumata görə, Kraystçörç şəhərinin iki məscidində törədilən terror aktı nəticəsində 50 nəfər həlak olub, daha 50 nəfər müxtəlif xəsarətlər alıb. Yeni Zelandiyanın Baş naziri Casinda Ardern baş verən faciəni terror aktı adlandırıb. Terror aktının törədilməsində təqsirli qismində Avstraliya sakini 28 yaşlı Brenton Tarrantu saxlanılıb. İlkin dinləmələrdən sonra məhkəmə onun həbs müddətini aprelin 5-dək uzadıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.