DÜNYA


Yeni Zelandiyanın Səhiyyə naziri karantin rejimini pozduğuna görə istefa verib

Tokio, 2 iyul, AZƏRTAC

Yeni Zelandiyanın Səhiyyə naziri Devid Klark koronavirus pandemiyasına görə tətbiq olunan karantin rejimi dövründə iki dəfə özünütəcrid qaydalarını pozduğuna görə vəzifəsindən istefa verib.

AZƏRTAC xəbər verir ki, bu barədə iyulun 2-də “Otago Daily Times” qəzeti məlumat yayıb.

Məsələni şərh edən Baş Nazir Casinda Ardernin sözlərini sitat gətirən qəzet yazır: “Devidin qənaətinə görə, onun bu vəzifədə qalması hökuməti koronavirusla mübarizə tədbirlərindən, həmçinin səhiyyə sahəsində böyük islahatlardan yayındırır”. Buna görə də Baş Nazir onun istefasını qəbul etdiyini bildirib.

Sentyabrın 19-da keçiriləcək parlament seçkilərinə qədər həmin vəzifəni Təhsil naziri Kris Hipkinz tutacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.