ELM VƏ TƏHSİL


Yeni proqram yoldan yayınan sürücülərə  xəbərdarlıq edəcək

Bakı, 16 oktyabr, AZƏRTAC

Kanadanın Vaterloo Universitetinin mühəndisləri tərəfindən hazırlanmış kompüter alqoritmləri sürücülərin sükan arxasında mesaj yazdığını və ya digər yayındırıcı hərəkətlərlə məşğul olduğunu dəqiq aşkarlamaq imkanına malikdir. Sistem normal göstəricilərdən yayınan əllərin hərəkətinin aşkarlanması üçün kameralardan və süni intellektdən istifadə edir. Ekspertlərin sözlərinə görə, bu tətbiq sürücülərə xəbərdarlıq etməklə yol hərəkətinin təhlükəsizliyinin yüksək səviyyədə təmin olunması üçün istifadə oluna bilər.

AZƏRTAC aiportal.ru saytına istinadən xəbər verir ki, yeni texnologiyaya əsaslanan alqoritmlər mətn mesajları, mobil telefonla danışıqlar və ya arxa oturacağa tərəf əyilərək oradan hər hansı bir əşyanın götürülməsi kimi hərəkətlərin tanınması üçün maşın təlimi metodlarından istifadə edir. Bu yenilik sürücünün sükan arxasında yatmağa başladığını göstərə bilən nişanların tanınması ilə bağlı daha əvvəlki tədqiqatlara əsaslanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.