ELM VƏ TƏHSİL


Yeni sistem kardioloqları əvəzləyəcək

Bakı, 28 fevral, AZƏRTAC 

“Google” şirkəti uzun müddətdir ki, tibb sahəsində müasir texnologiyaların tətbiqinə böyük maraq göstərir. Belə ki, daha əvvəl şirkətin mütəxəssisləri şəbəkənin insanların gözlərinin şəkilləri üzrə diabetik retinopatiyanın (göz damarlarının zədələnməsi) olub-olmadığını bilməsi üçün xüsusi alqoritmlərdən istifadə etməyi təklif ediblər.

Ekspertlər hesab edirlər ki, artıq süni intellekt insanın infarkt və ya digər ürək-damar xəstəlikləri ilə rastlaşması riskini müəyyənləşdirə bilər. Belə ki, “Google”un neyroşəbəkəsi proqrama yüklənmiş tibbi məlumatlarla əldə olunmuş informasiyanı müqayisə edərək, pasiyentin gözünün qan damarlarının təsvirini emal edə bilər.

AZƏRTAC “meddaily.ru” saytına istinadla xəbər verir ki, informasiyanın emalını daha da sürətləndirmək üçün neyroşəbəkə, həmçinin pasiyentin tibbi kartına yazılmış müalicə və diaqnostikanın nəticələrindən istifadə edə bilər. Məsələn, damarların vəziyyətinin yoxlanılması və xəstəliklərin proqnozlaşdırılması zamanı ürək-damar sisteminə mənfi təsir edən amillər (daha əvvəl keçirilmiş xəstəliklər, zərərli vərdişlər və s.) haqqında məlumatlardan istifadə etmək mümkündür. İstehsalçılar neyroşəbəkənin növbəti beş il ərzində sağlamlıqla bağlı problemləri yetmiş faiz dəqiqliklə proqnozlaşdıracağını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.