İDMAN


Yeniyetmə oğlanlar və qızlar arasında şahmat üzrə turnir keçirilib

Bakı, 27 iyul, AZƏRTAC

Gənclər və İdman Nazirliyinin yaranması gününə həsr olunmuş şahmat turniri keçirilib.

İyulun 27-dək Bakı Şəhər Gənclər və İdman Baş İdarəsi tərəfindən 3 nömrəli Respublika İxtisaslaşdırılmış Olimpiya Ehtiyatları Uşaq Gənclər İdman Şahmat Məktəbində 26 iyul - Gənclər və İdman Nazirliyinin yaranması gününə həsr olunmuş 12-14 yaşlı yeniyetmə oğlanlar və qızlar arasında şahmat üzrə turnir keçirilib.

Bakı Şəhər Gənclər və İdman Baş İdarəsindən AZƏRTAC-a bildiriblər ki, turnirdə 50 şahmatçı İsveçrə sistemi üzrə mübarizə aparıb.

Yarışın yekun nəticəsinə əsasən Ağaməmməd Mirzəyev I, Məryəm Baxışova II, Şahlar Şahlarlı III yeri tutub.

Yarışın bağlanış mərasimində 3 nömrəli şahmat məktəbinin direktoru Cəmil Fətullayev, Bakı Şəhər Gənclər və İdman Baş İdarəsinin sektor müdiri, paytaxtın şahmat idman növü üzrə koordinator-kuratoru Gündüz Vəliyev və yarışın baş hakimi Fidan Talıbova qalibləri təbrik edib, onlara gələcək yarışlarda müvəffəqiyyətlər arzulayıblar.

Təltifolunma mərasimində yarışın qaliblərinə Baş İdarə tərəfindən kubok, diplom və medallar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.