İDMAN


Yeniyetmə sərbəst güləşçilərimiz İranda üçüncü olublar

Bakı, 3 noyabr, AZƏRTAC

İranın Məşhəd şəhərində yeniyetmələr arasında sərbəst güləş üzrə “Seyid Cəfər Musəvi Kuboku” keçirilib.

AZƏRTAC xəbər verir ki, komanda yarışında ölkəmizi məşqçi Vahid Məmmədov və Namiq Quliyevin rəhbərliyi altında Murad Haqverdiyev (45 kq), Kənan Heybətov (48 kq), Elmir Rüstəmov (51 kq), Zirəddin Bayramov, Məhəmmədəli Quliyev (hər ikisi 55 kq), Əbülfəz Nəsirov, Sabir Cəfərov (hər ikisi 60 kq), Cəbrayıl Hacıyev (65 kq), Rəşad Əzizov (71 kq), Abdulcəlal Şabanov (80 kq), Saqadulla Ağayev (92 kq) və Hamlet Nəsiblidən (110 kq) ibarət heyət təmsil edib.

Yığmamız İranın 3 komandası ilə eyni qrupda yer alıb. İlk qarşılaşmada 8:2 hesabı ilə qalib gələn millimizin növbəti görüşündə bərabərlik qeydə alınıb - 5:5. Təşkilatçılar müəmmalı şəkildə qələbəni rəqibə veriblər. Günün sonunda isə yığmamız növbəti İran təmsilçisini 9:1 hesabı ilə məğlub edərək qrupda ikinci yeri tutub. Ertəsi gün Ukraynaya 7:3 hesabı ilə qalib gələn komandamız bürünc medalın sahibi olub.

Qeyd edək ki, turnirdə ölkəmizi hakim qismində Kamran Əliyev təmsil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.