İDMAN


Yeniyetmələr arasında atletika üzrə Azərbaycan birinciliyinə start verilib

Bakı, 14 fevral, AZƏRTAC

Fevralın 14-də Respublika Olimpiya Mərkəzində 2005-2006-cı il təvəllüdlü yeniyetmələr arasında atletika üzrə Azərbaycan birinciliyinə start verilib. Gənclər və İdman Nazirliyinin, Azərbaycan Atletika Federasiyasının birgə təşkilatçılığı ilə keçirilən turnirdə qızlar və oğlanlar iştirak edirlər.

AZƏRTAC xəbər verir ki, yarışda 10 komandadan 120 atlet birincilik uğrunda mübarizə aparır.

Çempionatda qaçışın 6 (60, 200, 400, 800, 1500, 4x200 metr) növü üzrə yarışlar keçirilir. Bundan başqa, atletlər tullanma və nüvəitələmə üzrə yarışlarda da qüvvələrini sınayırlar.

Qaliblər federasiya və nazirlik tərəfindən diplom və medallarla təltif olunacaqlar.

Qeyd edək ki, yarışa fevralın 15-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.