İDMAN


Yeniyetmələr arasında atletika üzrə Bakı birinciliyinin ilk gününün qalibləri müəyyənləşib

Bakı, 17 yanvar, AZƏRTAC

Yanvarın 17-də Respublika Olimpiya Mərkəzində 2005-2006-cı il təvəllüdlü yeniyetmələr arasında keçirilən atletika üzrə Bakı birinciliyinin ilk gününün qalibləri müəyyənləşib. Bakı Şəhər Gənclər və İdman Baş İdarəsinin, Azərbaycan Atletika Federasiyasının (AAF) birgə təşkilatçılığı ilə keçirilən yarışda atletlər qaçış, tullanma və atma növlərində qüvvələrini sınayırlar.

AZƏRTAC xəbər verir ki, iki gün davam edəcək çempionatda paytaxtın 10 komandasından 100-ə yaxın atlet birincilik uğrunda mübarizə aparır.

Yarışın birinci günündə oğlanlar arasında hündürlüyə tullanma yarışında Yusif Abdullayev, nüvəitələmədə Şakir Azakov qalib adını qazanıblar. Qızların yarışında hündürlüyə tullanmada Ləman Məmmədova, nüvəitələmədə isə Səkinə Hacızadə birinci yerə layiq görülüblər.

Oğlanlar arasında qaçış yarışlarında Murad Babazadə (60 m) və Səid Səfərli (600 m) birinci olublar. Qızların mübarizəsində isə Mələk Tağızadə (60 m) və Tutuxanım İsrafilova (600 m) fəxri kürsünün ən yüksək pilləsinə qalxıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.